Komið er út nýtt fréttabréf.
4 daga námskeið
Á þessu 4 daga námskeiði munt þú fá sérþekkingu á vöðvatengdu svæðanuddi sem og meðferð á liðum og hrygg. Nemendur læra m.a. að greina og meðhöndla læsta hryggjaliði og læstan spjaldhrygg. Einnig verður farið í staðsetningu og meðferð ýmissa vöðvahópa og hvernig hægt er að losa um ef til vill andlega spennu í vöðvum.
Fyrirlesari/kennari verður: Christian Slot, sem rekur Svæðanuddskólann: „Dit Alternativ“ í Danmörku http://www.ditalternativ.com/.
Christian er menntaður svæða- og viðbragðsfræðingur, nuddari og nálastungulæknir. Hann hefur gefið út nokkrar bækur um svæða- og viðbragðsfræði.
Innihald námskeiðs:
- Vöðvasvæðin á fótunum, þar með taldir líffæratengdir vöðvar.
- Þjálfun í greiningu á vöðvaspennu og vöðvabólgu.
- Meðferð vöðvavandamála.
- Vöðvar og andlegt samhengi.
- Aðferðir fyrir fljótlega vöðvaslökun.
- Læstur spjaldhryggur, grindargliðnun, settaugarbólga (þjótak), verkir í mjöðmum, brjósklos, skekkja á hryggjaliðum, brjóstverkir, háls/hnakkavandamál, verkir í herðum, tennisolnbogi og fl.
Nánari upplýsingar um námskeiðið: erna@kopur.is og annemay@simnet.is